Сишәмбе, 18.06.2019, 23:01
Баш бит Регистрация RSS
Исәнме,, Кунак
Безнең сораштыру
Минем сайтка карашыгыз ничек?
Всего ответов: 457
Twittnut'
Баннерлар
Graffiti Decorations(R) Studio (TM) Site Promoter
Статистика
Яндекс.Метрика Яндекс цитирования
Сайка керү
Видеолар
Эзләү
Календарь
«  Июнь 2019  »
ДшСшЧшПҗҖмШбЯш
     12
3456789
10111213141516
17181920212223
24252627282930

Бавырсак              Бавырсак

Бавырсак (каз. Бауырсақ, кырг. Боорсок, монг. Борц) — татар милли ризыгы. Камыр кисәкләрен кайнаган майда кыздырып әзерләнә.

Әзерләү ысулы

Савытка йомырка сыталар, сөт салалар, май, шикәр комы, тоз, азрак чүпрә өстиләр (күп вакытта чүпрә салмыйлар да). Шул катнашманы шикәре, тозы һәм чүпрәсе эреп беткәнче яхшылап болгаталар. Аннары он кушып, токмач камырыннан йомшаграк итеп камыр басалар. Камырны 100—150 г лы кисәкләргә бүләләр дә бармак калынлыгында баусыман тәгәрәтәләр һәм урман чикләвеге кадәр итеп турыйлар. Кайнап торган майга салалар, болгата-болгата, кызарганчы пешерәләр.

Әзер бавырсакны тишекле зур чүмечтә сөзәләр, мае агып беткәч, өстенә шикәр оны сибергә була. Бавырсакны чәй янына чыгаралар. Аны катык һәм сөт белән дә ашарга була. Ул юлга алу өчен дә әйбәт.

1 кг югары сортлы онга: 10 йомырка, 130—140 г сөт, 30—35 г шикәр комы, 30 г сары май, 5 г чүпрә, тол, пешерү өчен 180—200 г май.

Бавырлы бавырсак

Әче камыр куялар. Баскан вакытта пешереп ит тарткычтан чыгарган бавыр өстиләр. Камырны 1 —1,5 сәгать кабарталар. Камыр өлгергәч, кисәкләргә бүлеп, баусыман итеп тәгәрәтәләр һәм кузы чикләвегеннән кечерәк итеп турыйлар.

Әзер бавырсакны кайнап торган майда пешерәләр һәм табынга катык белән чыгаралар.

600—6S0 г югары сортлы онга: 6—8 йомырка, 150 г сөт, 30 г шикәр, 30 г сары май, 5 г чүпрә, тоз, 400 г пешкән бавыр, пешерү өчен 200—250 г май.