Без Татарлар

Әлфия Авзалова

MarselGafarov — Sat, 04 Feb 2012 07:12:01 GMT

Әлфия Афзал кызы Авзалова — татар эстрадасының күренекле җырчысы.

Ул 1933 елның 15 гыйнварында Татарстанның Актаныш районы Актаныш авылында колхозчылар гаиләсендә дөньяга килгән. Биш яшендә анасы үлә. Атасы Бөек $CUT$Ватан сугышыннан кайталмый. Анасының сеңлесе тәрбиясендә үсә.

Солистка буларак, 1952 елда Татар дәүләт җыр һәм бию ансамбленә эшкә чакырыла. Кабатланмас матур тавышка ия җырчы тиз арада ансамбльнең алдынгы башкаручыларыннан берсе булып таныла. 1957 елда Татар сәнгате һәм әдәбияты декадасында ясаган чыгышы Әлфия Афзаловага беренче зур уңыш китерә.

Солтан Габәши, Александр Ключарев, Мансур Мозаффаров, Заһит Хәбибуллин һәм башка композиторларның катлаулы әсәрләрен, халык көйләрен һәм заманча җырларны башкара.

Җырчының таланты һәм мөмкинлекләренең тар кысаларга гына сыймавын аңлаган филармония җитәкчелеге, Ә. Афзаловага үз иҗат труппасын оештырырга рөхсәт бирә. Шулай итеп, легендар җырчы Урта Азия, Балтыйк буе республикаларында күп тапкырлар концертлар куя, Россия шәһәрләрендә чыгыш ясый.

Шакур

MarselGafarov — Fri, 03 Feb 2012 16:09:06 GMT

Шакур (кыскартылган: ШАгыйрь КУРбанов, чын исеме Алмаз Корбанов) — рэп жанрында җырлар башкаручы татар җырчысы.

Алмаз 1985 елның 29 мартында Казан шәһәрендә дөньяга килә.

Алмаз Корбанов 18 гимназиядән тыш ике$CUT$ югары уку йортын да тәмамлый: 2007 елда Иҗтимагый Белем бирү Академиясен (элекеге Казан Иҗтимагый Юридик Институт) һәм 2008 елда Татарстан Республикасы Президенты каршындагы Дәүләт һәм Муниципаль берәмлекләр белән идарә итү Академиясен.

Татар эстрадасына Шакур ялгыш кына кереп китә. Моңа кадәр ул рус рэпы белән шөгыльләнә һәм «Барс-Медиа» студиясенә үзенең бер җырын яздыру өчен килә. Җыр яздыручылар белән аралашып торганда, ул бер татар башкаручысының җырын рэп стилендә җырлап, пародия күрсәтә. Шул вакытны студиягә Фәрит Таишев очраклы кереп, Шакурга татар рэпы язып карарга тәкъдим итә.

2005 елда Шакур «Йолдызлар Фабрикасы»нда катнаша.

Шакурны татар эстрадасында «Дөнья тукта» җыры таныта, 2007 елда аңа клип төшерелә.

Салават Фәтхетдинов

MarselGafarov — Fri, 03 Feb 2012 16:03:48 GMT

1960 елның 10 гыйнварында Башкортстанның Тәтешле районы Аксәет авылында туган. Мәктәпне тәмамлагач Стәрлетамак мәдәни агарту училищесында белем алган, берничә ел клуб мөдире булып эшләгән. Аннары Казан мәдәният$CUT$ институтының режиссерлар әзерләү бүлегенә укырга керә һәм 1989 елда тәмамлый. Шул ук елны "Татар җыры-89" конкурсы лауреаты була. Салаватка «Россия Федерациясенең атказанган артисты», «Татарстан Республикасының халык артисты» исемнәре бирелә, Г. Тукай һәм М. Җәлил исемендәге премияләр лауреаты була. Моннан тыш, юбиляр автоспорт буенча халыкара класслы спорт мастеры титулына да ия.

Дискографиясе
(2011) 23 сезон — «Уйланырга вакыт бар әле…»
(2010) 22 сезон
(2009) 21 сезон — «И туган тел, и матур тел…»
(2008) 20 сезон — 20 ел сезнең белән!
(2007) 19 сезон — Салаватта кунакта
(2006) 18 сезон — Әлегә соң тугел
(2005) 17 сезон — Арыганчы җырлармын — туйганчы тыңларсыз!
(2004) 16 сезон — 16 сезон
(2003) 15 сезон — 15 ел сезнең белән!
(2002) 14 сезон — Соңлама
(2001) 13 сезон — Яшьлегем қырыкта
(2000) 12 сезон — Сезгә илтә юлларым
(1999) 11 сезон — Эх Қаласы Иде Яшьлектә
(1998) 10 сезон — 10 ел бергә!
(1997) 9 сезон — Дуслар булса қайгырма
(1996) 8 сезон — Мин яратам
(1995) 7 сезон — Соңгы мэхәббәт
(1994) 6 сезон — Куңелеңә авыр алма
(1993) 5 сезон
(1992) 4 сезон
(1991) 3 сезон
(1990) 2 сезон
(1989) 1 сезон

Алинә Сафиуллина

MarselGafarov — Fri, 03 Feb 2012 15:58:44 GMT

Алинә Сафиуллина 1985 елның 21 апрелендә Теләче районы Югары Кибәхуҗа авылында туа. Алинә кечкенәдән үк җырлап үсә, төрле бәйгеләрдә катнаша, урыннар ала. Шуннан тыш шигырьләр яза һәм рәсемнәр ясарга ярата. 2002 елда мәктәпне $CUT$тәмамлагач, Казан Дәуләт Культура һәм Сәнгать Университетының Милли сәнгать институтына укырга керә һәм 2007 елда аны тәмамлый. Шуны да әһтергә кирәк, институтта ул Татарстанның һәм Русиянең атказанган артисты , Татарстан Республикасының Габдулла Тукай исемендәге премия лауреаты Венера Ганиева сыйныфында белем ала.

Зур сәхнәгә Алинә Сафиуллина 2006 елда, «Йолдызлар фабрикасы» проекты ярдәмендә чыга. Яшь башкаручының тавышы күпләрне хәйран калдыра. Һәм шул ук елда «Татар җыры 2006» фестивалендә Салават Фәтхетдинов белән дуэт башкара.

Инде икенче елга ук (2007 ел) Алинә үзе «Татар җыры – 2007» бәйгесендә лауреат була, ә аның «Кайтырмын» дип исемләнгән җыры – ел җыры дәрәҗәсенә лаек була. Шул ук елның җәендә Алинәнең «Ышандыр» җырына беренче клип төшерелә.

«Татар җыры – 2008» бәйгесендә дә Алинә лауреат исемен яулый.

Алинә Сафиуллина кыска гына вакыт эчендә күп кенә тамашачының күңеленә үтәргә өлгерде. Бүгенге көндә исә ул татар эстрадасында актив эәләвен дәвам итә. Клиплар төшерә, яңа җырлар яздыра, тамашачыларын концертлар белән шатландыра.

Алсу Сафина

MarselGafarov — Fri, 03 Feb 2012 15:25:23 GMT

Алсу Ралиф кызы Сафина — Рәсәй эстрадасының күренекле вәкиле. Татарстан халык артисты (2010).

Ул 1983 елның 27 июнендә Татарстан Республикасының Бөгелмә шәһәрендә туган. Әтисе Сафин Ралиф Рафил улы - "ЛУКойл" нефть компаниясенең беренче вице-президенты. Әнисе Разия Исхак кызы - архитектор.

Рәсәйдә чактамузыка мәктәбе тәмамлый. 1993 елдан бирле Лондонда өлкән абыйсы гаиләсендә яшәгән. 11 җырдан торган "Алсу" дип исемләнгән беренче альбомын 1999 елда чыгарган. Ә беренче видеоклипы ("Зимний сон" - "Кышкы төш") 1999 елның 1 февралендә дөнья күрә һәм тиз арада MTV каналында да күрсәтелә.

2000 елның 13 маенда Швециядә узган «Евровидение-2000» Халыкара эстрада җырлары бәйгесендә II урын ала.

Шул ук елны аңа Татарстан Республикасының атказанган җырчысы исемен бирәләр, Бөгелмә шәһәренең "мактаулы гражданы" исемен йөртә. Белгечлеге буенча - "архитектор-дизайнер".

Хәзерге вакытта эшмәкәр Ян Абрамовта кияүдә. Сафина исемле кыз бала тәрбияли.

Ренат Ибраһимов- биография

MarselGafarov — Fri, 03 Feb 2012 15:21:28 GMT

Ул 1947 елның 20 ноябрендә Украина ССРында, Львов шәһәрендә туа. Музыка мәктәбендә домра классында белем ала, кечкенәдән үк классик арияләр һәм җырларны җырлап үсә. Уналты яшеннән үзешчән эстрада$CUT$ оркестрында җырлап йөри. Казан дәүләт консерваториясендә икееллык әзерләү бүлегендә укыганнан соң, вокал бүлегенә укырга керә. М.Җәлил исемендәге татар дәүләт опера һәм драма театрында эшли, эстрадада да чыгышлар ясый. Төрле конкурсларда лауреат исемен ала.

Ренат Ибраһимов Мәскәү шәһәрендә яшәп иҗат эше белән шөгыльләнә. Җырчының исеме төрле чит илләрдә дә билгеле, еш кына ул чыгышлар белән гастрольләргә йөри. Җырлаудан тыш, Ренат Ибраһимов шигырьләр дә яза, җырлар иҗат итә.

Айдар Галимов - биография

MarselGafarov — Fri, 03 Feb 2012 13:44:53 GMT

Галимов Айдар Гани улы 1967 елның 23 февралендә Казакъстан ССРының Целиноград өлкәсендәге Мәдәният совхозында туа. Бер елдан гаилә Башкортстандагы Миякә районындагы Зур Кәркәле авылына кайта. Монда булачак җырчының $CUT$ балачагы һәм яшьлеге үтә. Уфа автотранспорт техникумын тәмамлагач (1986) Айдар Галимов СССРның хәрби көчләрендә, Каунас һава-десант гаскәрләре дивизиясендә хезмәт итә. Демобилизациядән соң ул Башкорт дәүләт университетының юридик факультетына укырга керә һәм 1993 елда аны тәмамлый.

Айдар Галимовның иҗат юлы 1989 елда Башкортстан АССРының 70-еллыгына багышланган радиоконкурста отуынан башлана. 1990 елда Туймазы шәһәрендә ул «Татар җыры» дипломаты була, 1990—1993 елларда ул — ДК «Авангард»ның «Азамат» ВИА вокалисты. 1993 елда аның җитәкчелеге астында «Айдар» эстрада студиясе барлыкка килә һәм соңыннан «Айдар» театр-студиясе дип атала башлый. Профессиональ сәхнәдә дебюты популяр һәм актуаль «Моңнар кайтсын авылга» (Р.Чурагулов, Р.Хакимов) җыры белән башлана.

Айдар Галимовның гастроль эшчәнлеге 1993 елда башлана. Ул гастроль концертлары Казанда, Уфада, Татарстан һәм Башкортстанның башка шәһәрләрендә һәм Рәсәй Федерациясенең күпчелек төбәкләрен йөреп чыга. Беренче чит ил гастрольләре Үзбәкстанда уза (1995, 1996). Җырчы шулай ук Финляндия (1997, 2003), Латвия (2003), Эстония (2003), АКШ (1998, 2001), Төркия (2005) һәм Казакстанда (2008) гастроль чыгышлары ясый. Аның гастроль турлары ел саен Көнбатыш Себер, Урал, Идел буе, Мәскәү һәм Санкт-Петербургта уза. Шул ук елларда (1996—2001) ул Казан дәүләт педагогика университеты музыка факультетының вокал бүлегендә икенче югары белемен ала.

Татар һәм башкорт милли мәдәният өлкәсендә күрсәткән хезмәтләре өчен Айдар Галимовка «Башкортстанның атказанган артисты» (1995) һәм «Татарстанның атказанган артисты» (1996) исемнәре бирелә. 2008 елның 23 май Татарстан республикасы президенты Минтимер Шәймиев Айдар Галимовка «Татарстанның халык артисты» югары исеме белән бүләкләү турындагы указга кул куя, ә 2011 елда җырчы «Башкортстанның халык артисты» дигән мактаулы исемгә лаек була.

Айдар Галимов репертуарында татар, башкорт, рус, инглиз, үзбәк, төрек телләрендә башкарылган 400дән артык җыр бар. Аларның унлаганнары татар һәм башкорт эстрада музыкасының алтын фондына кергәннәр.

Айдар Галимовның хәзергә 12 җыентыгы язылган:
Туган көнең белән!
Абага чәчәге
Айдар 2000
Сезнең белән 10 ел бергә
Бәхет бит ул...
Яшәргә икән – яшәргә!
Дәрвиш юлы
Син – минем җанымның яртысы
Еллар. Илләр. Җырлар
15 еллык иҗат юбилеена багышланган
Лучшие песни 1990-1995
Син булганда
Вакытларны булмый туктатып... (1998)

Dj Radik- биография

MarselGafarov — Fri, 03 Feb 2012 13:32:54 GMT

Музыкант һәм эмси- Радик Яруллин, яисә "DJ Радик" - Күп санлы конкурслар һәм фестивальләр лауреаты, җиңүчесе; шул исәптән " Татарстанның Нонстоп диджейы-2004", "Иң әйбәт $CUT$ татар DJ -2005".

Радик Яруллин музыка белән 8 яшьтән башлап кызыксына башлаган - синтезаторда , гитарада уйнаган , аранжировкалар ясап караган. 15 яшендә Радик Яруллин җиде еллык 64 музыка мәктәбен тәмамлаган (фортепиано). Шуннан "Кызыл Химик" рок-лицееның музыка менеджментын тәмамлаган. Гнесин исемендәге Рәсәй Музыка Академиясен тәмамлаган. Соңрак концертларда, дискотекаларда, клубларда чыгышлар ясаган.

Әлеге вакытка Радик Яруллин "C_File" рок-группасының солист-музыканты һәм татар яшьләр вокал группасы «Айкай» солист-вокалисты. Шулай ук Радик Мәскәүдә ТРК "КУНАК"та ди-дңей булып эшли.